Ньукуолун күнэ (Сайылык күнэ) – саҥа дьыл, саҥа үктэл, саҥа олох!

Бүгүн дьыл эргиирэ түмүктэнэн, саҥа кэм саҕаланарын биллэрэр, саха дьонугар сүдү суолталаах кэрэ кэм – Ньукуолун күнэ. Сахалар үгэстэринэн, дьылы ыам ыйыттан ааҕаллар. Ол да иһин, Ньукуолун күнэ – дьиҥнээх Саҥа Дьыл, саҥа эргиир, саҥа олох саҕаланыыта.

Бу күн дьон-сэргэ сахалыы чэбдик тыыннаах саҥа сайыны көрсөр. Сайылыкка тахсыы, күөххэ үктэнии, айылҕа сүргэтэ өрө көтөҕүллүүтэ – барыта саҥа үктэли, инникигэ эрэли бэлиэтиир. Бу кэрэ кэмҥэ саха киһитэ айылҕаттан күүс-уох ылар, Айыылартан алгыс көрдөһөр, инники дьылга дьолу, ситиһиини кэтэһэр.

Ньукуолун күнүнэн, ытыктабыллаах сахабыт дьоно!